ചരകസംഹിതയുടെ പുനർവായനാസാധ്യതകൾ
ചരകസംഹിതയുടെ പുനർവായനാസാധ്യതകൾ ഇന്ത്യൻ വൈദ്യശാസ്ത്രമെന്ന നിലയിൽ ഏറെ പ്രശസ്തമാണ് ആയുർവ്വേദം. ലോകത്തിലെ മിക്ക പരമ്പരാഗത വൈദ്യസമ്പ്രദായങ്ങളും കാലത്തിന്റേയും കരുത്താർന്ന അധിനിവേശവൈദ്യത്തിന്റേയും ആക്രമണങ്ങളെ ചെറുക്കാനാവാതെ വിസ്മൃതിയിലാണ്ടപ്പോൾ ആയുർവ്വേദം അതിനുകൂട്ടാക്കാതെ നിലനിൽക്കുന്നു, സജീവമായിത്തന്നെ. ഒട്ടേറെ പ്രശസ്തഗ്രന്ഥങ്ങളിലൂടെയാണ് ആയുർവ്വേദത്തിന്റെ സിദ്ധാന്തങ്ങളും പ്രയോഗങ്ങളും ആവിഷ്കരിയ്ക്കപ്പെട്ടിട്ടുള്ളത്. അക്കൂട്ടത്തിൽ വിഷയവൈപുല്യം കൊണ്ടും ആശയഗരിമകൊണ്ടും എക്കാലത്തും ജിജ്ഞാസുക്കളുടെ ശ്രദ്ധ ആകർഷിച്ചിട്ടുള്ളതാണ് ഒന്നാണ് ചരകസംഹിത. ബി. സി. ഇ രണ്ടാം നൂറ്റാണ്ടിനും സി. ഇ. രണ്ടാം നൂറ്റാണ്ടിനും ഇടയിലാണ് ഇതിന്റെ രചനാകാലം എന്ന് ഏറെക്കുറെ നിർണ്ണയിക്കപ്പെട്ടിരിയ്ക്കുന്നു. പ്രശസ്തഹൃദ്രോഗചികിത്സകനും വൈദ്യശാസ്ത്ര തത്വചിന്തകനുമായ ഡോ. എം. എസ്. വല്യത്താൻ, ശ്രീചിത്ര ഇൻസ്റ്റുറ്റ്യൂട്ടിന്റെ സ്ഥാപക ഡയറക്ടർ, ഈ ഗ്രന്ഥത്തെ പുരസ്ക്കരിച്ചുകൊണ്ട് തയ്യാറാക്കിയ പഠനഗ്രന്ഥം, 'Legacy of Charaka' - ചരക പൈതൃകം- ലോകമെമ്പാടും പരക്കെ വായിക്കപ്പെട്ടത് സമീപകാല ചരിത്രം. വൈദ്യത്തിന്റെ സ...
